Առաջ <<Ոզնի>>
Ոզնի… Մի փշոտ, բայց միևնույն ժամանակ շատ բարի, խելացի կենդանի, որն այս տարի շատ բարիքներ բերեց դպրոցականներին:
<<Ոզնի>>… Այդպիսին էր այն մրցույթի անունը, որն անցկացվեց Շենգավիթ համայնքում և որին մասնակցեցին 6-7-րդ դասարանի շուրջ 80 աշակերտներ տասը դպրոցներից: Մրցույթի կազմակերպիչներն էին հ. 65 և հ161 դպրոցների ինֆորմատիկայի ուսուցիչներ Ռուզան Նիկոյանը և Մարիաննա Թովմասյանը:
Բոլոր մասնակից աշակերտները ստացան վկայագրեր, իսկ հաղթողները` պատվոգրեր:
Մրցույթի վերաբերյալ ինձ հետ խոսեց հ.65 դպրոցի ինֆորմատիկայի ուսուցչուհի ընկ. Ռ. Նիկոյանը:
- Ինչու° <<Ոզնի>>
- <<Ոզնի>> անունը մենք կապեցինք ապրիլի 1-ի հետ: Բացի այդ երեխաների համար անունը շա¯տ հիշվող էր: Ցանկանում ենք, որ այն անցկացվի ոչ միայն Շենգավիթ համայնքի, այլև ողջ հանրապետության երեխաների միջև: Անցյալ տարի մրցույթն անուն չուներ, ուրախ ենք, որ այժմ այն անուն ունի:
- Ո՞րն է ձեր և <<Ոզնի>>-ի նպատակը:
- Այս մրցույթը իրար է մերձեցնում երեխաներին, նրանք սկսում են համագործակցել միմյանց հետ: Նոր ընկերների ձեռքբերումը ևս կարևոր է: Ընդհանրապես մրցույթն անցկացվել է 2 փուլով: Դպրոցում մենք նախընտրական փուլ կազմակերպեցինք և ընտրեցինք լավագույներին: Երեխաները աշխատում էին Paint և MS Word ծրագրերով: Մենք չենք ընտրել միայն նրանց, ովքեր լավ գնահատականներ ունեն: Վատ սովորողներին ևս հնարավորություն է ընձեռնվել մասնակցել մրցույթին :
Հ. 65 դպրոցի 7-րդ դասարանի աշակերտներ Աշոտ Կարապետյանը և Մերի Արշակյանը <<Ստեղծագործական միտք>> անվանակարգում գրավել էին 2-րդ տեղը, իսկ 6-րդ դասարանի աշակերտ Արտավազդ Արշակյանը` 1-ին տեղ: Նրանք կիսվեցին իրենց տպավորություններով:
Մերի – Մրցույթի շնորհիվ մենք ձեռք բերեցինք նորանոր գիտելիքներ: Անցյալ տարի ևս մասնակցել եմ այս մրցույթին և հաջորդ տարի անպայման կփորձեմ:
Աշոտ – Մեծ բավականություն ստացա մրցույթից: Բոլորս կցանկանայինք, որ նմանատիպ միջոցառումները հաճաախակի կազմակերպվեին: Անցյալ տարվա և այս տարվա միջև մի տարբերություն կա անցյալ տարի 1-ին տեղն է գրավել, այս տարի` 2-րդը (ծիծաղում է):
Շուտով սպասվում է նոր մրցույթ: Մինչև ապրիլի 7-ը երեխաները Paint ծրագրով պետք է նկար նկարեն կամ բացիկ պատրաստեն` նվիրված ապրիլի 7-ին:Լավագույն աշխատանքները կհայտնվեն դպրոցի կայքում:
Ռոզա Գրիգորյան
111 դասարան
111 դասարան