.Ինկած բերդի իշխանուհին. դրամա երկու գործողությամբ

 Լեոյի անվան հ. 65 ավագ դպրոցի 10-11-րդ դաս. շնորհալի աշակերտների և լոգոպեդ Սոնա Գրիգորյանի համատեղ աշխատանքի շնորհիվ  դպրոցում բամադրվեց  <<Ինկած բերդի իշխանուհին>>: Աշակերտները իրենց խաղով հաճելիորեն զարմացրեցին ինչպես իրենց ուսուցիչներին, այնպես էլ դրսից հրավիրված հյուրերին:

Այցելություն Ազգային Ժողով

Գարնանային առաջին օրը, մարտի 1-ն, Երևանի և Տավուշի մարզի որոշ դպրոցականներ, որոնց թվում նաև` թիվ 65 ավագ դպրոցի ներկայացուցիչը, այցելեցին Հայաստանի բարձրագույն ղեկավար մարմին` Ազգային Ժողով: Աշակերտներին ԱԺ-ի նախամուտքում դիմավորեց պատգամավոր, Ժառանգություն խմբակցության անդամ Անահիտ Բախշյանը: Այնուհետև աշակերտներին ուղեկցեցին ԱԺ-ի դահլիճի ԶԼՄ-ների համար նախատեսված օթյակ: Ասյտեղից նրանք ականատես եղան <պատմական> մի պահի` ԱԺ-ն ընդունեց կառավարության ներկայացրած <Արտակարգ դրության> մասին օրինագիծը: Մինչ օրինագծի ընդունման քվեարկության անցնելը պատգամավորները 1 րոպե լռությամբ հարգեցին 2008 թվականի մարտի 1-ի զոհերի հիշատակը: Այս ամենից հետո, աշակերտներն անցան հարցազրույցների, քննարկումների և պաշտոնական հանդիպումների համար նախատեսված սրահ, որտեղ դպրոցականներին ընդունեց ԱԺ-ի նախագահ Սամվել Նիկոյանը: Ս.Նիկոյանը պատասխանեց երեխաների հարցերին, իսկ հարցադրումներից հետո նրանց հրավիրեցին ԱԺ-ի բուֆետ նախաճաշելու: Հանդիպումը կազմակերպել էր <Հույսի Կամուրջ> հասարակական կազմակերպությունը:                                                                                                                                                

                                                                                                                                                                 

ԲՈՂՈՔՆԵՐ ԴԱՍԱԳՐՔԵՐԻ ՎԵՐԱԲԵՐՅԱԼ

 Ինչպես գիտենք`  2011թ. հուլիսի 11-17-ը Ծաղկաձորի <Ալիք> հանգստյան տանը տեղի ունեցավ հավաք <Իմ մասին>(Speaking for myself) խորագրով, որին մասնակցում էին աշակերտներ Երևանի տարբեր համայնքներից և Տավուշի մարզից: Հավաքին մասնակցում էին նաև Երևանի Լեոյի անվան թիվ 65 ավագ դպրոցի որոշ աշակերտներ: Հավաքի ընթացքում աշակերտները քննարկեցին և գնահատեցին Հայաստանում կրթության որակը:: Արդյունքում` Երևանի տարբեր համայնքներից ժամանած աշակերտները(որոնց թվում էին նաև մեր դպրոցի դեսպանորդները) և միջազգային այլ կազմակերպությունների ակտիվիստներն ու կոորդինատորները եկան հետևյալ եզրակացության.

• Հայաստանում ճիշտ չեն իրականացվում դասագրքերի բաշխումները: Հաճախ դրանից տուժում են մարզերի դպրոցները, որոնք բավարար քանակով գիրք չեն ստանում:
• Դպրոցներում ճիշտ և հաճախ նաև չեն գործում Աշակերտական Խորհուրդները, որոնք մեծ դեր են խաղում յուրաքանչյուրի դպրոցի ինքնակառավարման վրա:
• Ուսուցիչը հաճախ ուժ է կիրառում աշակերտի վրա:

  Հավաքում, Երևանի Լեոյի անվան թիվ 65 ավագ դպրոցի աշակերտները, Երևաի այլ ավագ դպրոցների և Տավուշի մարզի այլ դպրոցների աշակերտների հետ մասնակցեց կրթության որակի քննարկմանը: Հատկապես տպավորիչ էր Նոր-Նորքի Գայի անվան դպրոցի ԱԽ նախագահ Արմեն Միրաքյանի հայտարարությունը ավագ դպրոցի անգլերենի դասագրքերի վերաբերյալ. <Դրանք սխալ են կազմված, որոշ կարևոր բառեր բառարանից պակասում են, իսկ բառարանային բառերը, որոնք պետք է գտնվեին տեքստից առաջ-գտնվում են տեքստից հետո>-ընդգծել է Ա.Միրաքյանը: 

 Այս անբողջ խառնաշփոթի միակ լավ կողմն այն է, որ գոնե 1-4-րդ դասարացիները իրենց գրքերը ստանալու են համարյա անվճար:

 Հավաքում քննարկված <Կրթական Խնդիրներ>-ի վերլուծություններն ու եզրահանգումները հանդիսավորությամբ տրվել են ԱԺ պատգամավոր, Ժառանգություն խմբակցության անդամ Անահիտ Բախշյանին:

ԿԱՅԱՑԱՎ <ԻՄ ՄԱՍԻՆ> ԽՈՐԱԳՐՈՎ 2011 ԹՎԱԿԱՆԻ ՃԱՄԲԱՐԸ

2011թ. հուլիսի 11-17-ը Ծաղկաձորի <Ալիք> հյուրանոցային համալիրում կայացավ Հույսի Կամուրջ ՀԿ-ի  կազմակերպված երիտասարդական ֆորումը, <ԻՄ ՄԱՍԻՆ>(Speaking for mysef)  խորագրով, որին մասնակցեցին Երևանից և Տավուշի մարզից թվով 84 պատանի: Ճամբարի կազմակերպմանը աջակցել էին Եվրոպական Միությունը, Մեծ Բրիտանական Oxfam և Դանիական Mission East(Առաքելություն Արեվելք) կազմակերպությունները: Ճամբարը նպատակ ուներ սովորեցնել երեխաներին իրենց իրավունքները և  դարձնել իրենց ձայնը լսելի: Ճամբարի ղեկավարությունը և ճամբար ժամանած հյուրերը խոսեցին Աշակերտական Խորհուրդներից: Նրանք կարևորեցին բոլոր դպրոցներում ԱԽ-երի ճիշտ կազմակերպումը, ընտրությունը և գործունեությունը: Կատարվեցին պրեզենտացիոն միջոցառումներ, որոնք վարեցին Երիտասարդ Առաջնորդների Դպրոցից ժամանած հյուրերը: Նրանք ներկայացրեցին աշակերտների, ուսուցիչների, տնօրենի, ՈւսԽորհրդի, ԾնողԽորհրդի և ԱշԽորհրդի դերը դպրոցի կառավարման մեջ: Սեպտեմբերից ճամբարի մասնակիցները կստանան Աշակերտական Խորհրդի օրենսդրությունը: