Հայ ասպետ

 Այսօր Հանրային հեռուստատեսության եթերում ցուցադրված <<Հայ ասպետյան>> Ասպարեզ խաղում մեր դպրոցի սան Էդգար Մեհրաբյանը փայլուն ելույթ ունեցավ` ցուցադրելով հիանալի և գեղեցիկ խաղ, ինչի առթիվ նրան շնորհավորում ենք և մաղթում նորանոր հաղթանակներ: Այս տարի սեպտեմբերին մեր թիմը կրկին կպայքարի լավագույնը կոչվելու տիտղոսի համար` ևս մեկ փայլուն խաղ ցուցադրելով: Առաջին իսկ խաղին մենք ապացուցեցինք, որ իսկական ամուր և ուժեղ թիմ ենք և արժանի էինք մեր 59 միավորին: Ցավոք այս` սեպտեմբերի խաղին ես այլևս չեմ կարողանա խաղալ ձեզ հետ, իմ սիրելի ասպետներ: Բայց իմացեք` ես ձեզ հետ եմ միշտ` լինեմ դպրոցում, թե համալսարանում, Հայաստանում, թե այլ երկրում: Ես միշտ կմնամ մեր <<Հայ ասպետի>> թիմի հայոց լեզվի և գրականության պատասխանատու խաղացողը: Հայ ասպետն ինձ մի լավ բան տվեց` ոչ, գիտելիք չէ, այն ինձ տվեց հրաշալի ընկերներ:

Ռոզա Գրիգորյան 

Առաջին քայլերը <Հայ ասպետ>-ում

Երեկ մեր դպրոցի տնօրեն Նորայր Խրիմյանը հանդիպեց <<Հայ ասպետ>> հեռուստախաղի մասնակիցների հետ և բազում խորհուրդներ հղեց խաղի մասնակիցներին: Ի դեպ, հաջորդ շաբաթ մեր դպրոցում սպասվում է փորձնական մի խաղ-մրցույթ` <<Հայ ասպետ>>-ի մասնակիցները կխաղան ընդդեմ դպրոցի ուսուցիչների և նրանց հետ կփորձեն իրենց ուժերը: Հիշեցնենք, որ այս տարի հեռուստախաղում փոփոխություններ են կատարվել. բացի բուն խաղից կկազմակերպվի նաև անհատական խաղ` յուրաքանչյուր թիմից կընտրվի մեկ լավագույն մասնակից ով կպայքարի գլխավոր մրցանակի `IPOD-ի և 3-օրյա ուղևորության համար դեպի Անի: Մասնկիցներ կընտրվեն նաև պարտված թիմերից: Հետաքրքիր է` ով կլինի այդ երջանիկը: 

                                                                                                                Հեղինակ` Ռոզա Գրիգորյան