воскресенье, 4 марта 2012 г.

Այցելություն Ազգային Ժողով


Գարնանային առաջին օրը, մարտի 1-ն, Երևանի և Տավուշի մարզի որոշ դպրոցականներ, որոնց թվում նաև` թիվ 65 ավագ դպրոցի ներկայացուցիչը, այցելեցին Հայաստանի բարձրագույն ղեկավար մարմին` Ազգային Ժողով: Աշակերտներին ԱԺ-ի նախամուտքում դիմավորեց պատգամավոր, Ժառանգություն խմբակցության անդամ Անահիտ Բախշյանը: Այնուհետև աշակերտներին ուղեկցեցին ԱԺ-ի դահլիճի ԶԼՄ-ների համար նախատեսված օթյակ: Ասյտեղից նրանք ականատես եղան <պատմական> մի պահի` ԱԺ-ն ընդունեց կառավարության ներկայացրած <Արտակարգ դրության> մասին օրինագիծը: Մինչ օրինագծի ընդունման քվեարկության անցնելը պատգամավորները 1 րոպե լռությամբ հարգեցին 2008 թվականի մարտի 1-ի զոհերի հիշատակը: Այս ամենից հետո, աշակերտներն անցան հարցազրույցների, քննարկումների և պաշտոնական հանդիպումների համար նախատեսված սրահ, որտեղ դպրոցականներին ընդունեց ԱԺ-ի նախագահ Սամվել Նիկոյանը: Ս.Նիկոյանը պատասխանեց երեխաների հարցերին, իսկ հարցադրումներից հետո նրանց հրավիրեցին ԱԺ-ի բուֆետ նախաճաշելու: Հանդիպումը կազմակերպել էր <Հույսի Կամուրջ> հասարակական կազմակերպությունը:                                                                                                                                                

                                                                                                                                                                 

среда, 22 февраля 2012 г.

Նշվեց մայրենիի օրը...

 Փետրվարի 21-ը ՅՈՒՆԵՍԿՕ-յի կողմից հայտարարված է մայրենիի օր:
Այսօր Լեոյի անվան համար 65 ավագ դպրոցում մեկ օր ուշացումով նշվեց մայրենիի օրը: Ուշացման պատճառը հարգելի էր` երեկ միջոցառման մասնակից աշակերտները գրականության օլիմպիադայի տարածքային փուլում պատվով ներկայացնում էին իրենց սիրելի դպրոցը: Այսօրվա միջոցառումը կազմակերպել էին դպրոցի հայոց լեզվի և գրականության ուսուցիչները: Միջոցառման ընթացքում ցուցադրվեց տառերի ստեղծմանը նվիրված ֆիլմ, իսկ երեխաները ասմունքեցին բանաստեղծություններ` նվիրված այդ նշանակալից տոնին: 
 Հիշեցնենք, որ այս օրերի ընթացքում մայրաքաղաքի տարբեր դպրոցներում և մշակութային հաստատություններում այս օրերին տեղի են ունենում մայրենիի օրվան նվիրված մի շարք միջոցառումներ:







среда, 15 февраля 2012 г.

Երկու հագեցած օր...

<<Սեյվ դը Չիլդրեն>> կազմակերպությունը Երևանի Լեոյի անվան համար 65 ավագ դպրոցում փետրվարի 14-15-ը կազմակերպել էր <<Տարածաշրջանային նախաձեռնություն հանուն երեխաների մասնակցության>> ծրագիրը, որի շրջանակներում կազմակերպվեցին սեմինար-դասընթացներ աշակերտական խորհրդների հետ` ուղղված երեխայի իրավունքների և դպրոցի կառավարման գործընթացներում ԱԽ և ԾԽ դերի մասնակցության բարձրացման: Առաջին օրը կայացավ հանդիպում սոցիոլոգի, երկրորդ օրը` հոգեբանի հետ: Սեմինարները շատ հետաքրքիր էին և հագեցած: Հանդիպմանը մասնակցեցին նաև այլ դպրոցի ԱԽ-ի անդամներ: Վերջում բոլորն ստացան մասնակցության վկայագրեր:


12 դասարանի աշակերտուհի 
Ռոզա Գրիգորյան 


вторник, 14 февраля 2012 г.

Օգտվել համացանցից ԱՊԱՀՈՎ

 Շարունակվում են բաց-դասերի անցկացումը: Աշակերտները տարբերակում են համացանցի լավ ու վատ կողմերը և առաջարկում համացանցից ապահով օգտվելու իրենց կանոնները:  














среда, 8 февраля 2012 г.

ԱՊԱՀՈՎ ՀԱՄԱՑԱՆՑ

 Փետրվարի 7-ն նշվում է <<Ապահով համացանց>>-ի օրը:
Մայքրոսոֆտ Հայաստան ընկերության և Վորլդ Վիժն Հայաստան միջազգային բարեգործական կազմակերպության կողմից կազմակերպված <<Բացահայտիր վիրտուալ աշխարհը ապահով>>  թեմայով մրցույթին իրենց ակտիվ մասնակցությունն են ցուցաբերել մեր դպրոցի աշակերտները:





 Մեր աշակերտները տիրապետում են անվտանգ համացանցի կանոններին...







четверг, 15 декабря 2011 г.

Հայտարարություն






Գեղարվեստական լուսանկարների մրցույթ հետևյալ թեմաներով.
1. Բնությունն իմ աչքերով
2. Իմ շրջապատը
3. Մեր առօրյան
4. Մեր դպրոցը


Մանրամասն տեղեկությունների համար դիմել դպրոցի <<Մեդիա>> կենտրոնին

четверг, 20 октября 2011 г.

Ուսուցչի աշխատանքի արդյունքը նման է գեղեցիկ բերքահավաքի...




  Հոկտեմբերի 19-ին տեղի ունեցավ ոսկեզօծ աշնանը նվիրված միջոցառում: Մեր դպրոցի 4-րդ դասարանցիները փայլեցին իրենց դերասանական հմտություններով, սահուն խոսքով, վարժ ու հմուտ գործելակերպով: Աշակերտները մարմնավորում էին չվող թռչուններին,գույնզգույն մրգերին: Իրենց խոսքով նկարագրում ու ներկայացնում էին ոսկեզօծ աշնան աննկարագրելի գեղեցկությունն ու բերքառատությունը: Եվ քանի որ հոկտեմբերի 5-ը համարվում էր ուսուցչի տոնը, նրանք նույնպես անպակաս չմնացին շնորհավոանքներից ու բարեմաղթանքներից: Երեխաներն իրենց խոսքով շնորհավորեցին ուսուցչի տոնը, և գեղեցիկ ծաղիկներ նվիրեցին:
   Հանդեսի ավարտին ներկաները եկան այն եզրահանգման, որ աշնան գործը և ուսուցչի աշխատանքը կարելի է նմանեցնել, քանի որ երկուսի աշղատանքի արդյունքը դա գեղեցիկ բերքահավաքն է: 


 
 


8-րդ դաս. աշակերտուհի
 Նալբանդյան Լիլիթ